“Taryhyň yzlary” atly tegelek stolda söhbetdeşlik maslahaty

«Pähim-paýhas ummany Magtymguly Pyragy» ýylynda, Arkadag şäherinde ilkinji gezek bellenilýän, Medeniýet we sungat işgärleriniň hem-de Magtymguly Pyragynyň şygryýet  güni mynasybetli Medeniýet hepdeligi geçirildi. Medeniýet hepdeliginiň meýilnamasy esasynda, muzeý hünärmenlerini gatnaşmaklarynda «Muzeý gymmatlyklaryny hasaba almak we gorap saklamak boýunça dünýä tejribesiniň mümkinçilikleri» atly iş  maslahatynyň we muzeý gymmatlyklarynyň hem-de amaly-haşam sungatynyň eserleriniň sergisiniň açylyş dabarasy boldy

.

Açylyş dabarasynda Daşoguz welaýatynyň Saparmyrat Türkmenbaşy etrabynyň Döwkesen geňeşliginiň “Ýedi howuz” diýlip atlandyrylýan öri meýdanynyň takmynan 45-50 kilometr demirgazyk tarapynda geçýän kerwen ýolunyň ugrundaky öri meýdanlaryndan bu ýeriň ýaşaýjylary tarapyndan 18 sany altyn teňňeler, 3 sany kümüş teňňeler we 61 sany altyn teňňeleriň bölekleri, şeýle hem 8 sany dürli reňkli tapyndylar tapyldy. Türkmenistanyň Taryhy we medeni ýadygärlikleri goramak, öwrenmek hem-de rejelemek baradaky milli müdirliginiň alymlarydyr, hünärmenleri, Ylymlar akademiýasynyň numizmatlary tarapyndan toplanan maglumatlara görä altyn teňňeleriň käbirleriniň ýüzünde Horezmşalar döwletiniň hökümdary Soltan Allaeddin Muhammediň we onuň kakasy Soltan Tekeşiň atlarynyň ýazylandygy anyklanyldy.

Altyn we kümüş teňňeler çaklamalara görä  Köneürgençli türkmenleriň guran kuwwatly döwletiniň XII-XIII asyrlarynyň başynda gülläp ösen döwri bilen baglydyr. Tapylan gymmatlyklar Arkadag şäheriniň Taryhy we ülkäni öwreniş muzeýine tabşyryldy. Toplanan maglumatlarda tabşyrylan altyn teňňeler  muzeýiň gaznasynyň goruny baýlaşdyrdy, şeýle hem bu tapyndylary halk köpçüligine giňden wagyz etmekde muzeýde birnäçe işler amala aşyryldy. Ýakynda Arkadag şäheriniň Taryhy we ülkäni öwreniş muzeýiniň hünärmenleriniň we Arkadag şäheriniň Jemgyýetçilik guramalarynyň bilelikde gurnamagynda  “Taryhyň yzlary” atly tegelek stolda söhbetdeşlik maslahaty geçirildi. Söhbetdeşlikde bu tapyndylaryň taryhy we ähmiýeti dogrusynda gürrüň edildi.