Arkadag şäherinde Azerbeýjan Respublikasynyň medeniýet günleri dabaraly ýagdaýda bellenip geçildi

/> Berkarar döwletiň täze eýýamynyň galkynyşy döwründe Türkmenistanyň Prezidentiniň tagallasy bilen Aşgabat we Arkadagşäherlerinde 5 – 7-nji iýun aralygynda Azerbaýjanyň Medeniýet günleri geçirilýär. Watanymyzda geçirilýän Azerbaýjanyň Medeniýet günleriniň maksatnamasy ähmiýetli çäreleriň birnäçesini özünde jemledi. Medeni çäräniň çäklerinde Azerbaýjanyň sungat ussatlarynyň konsertleri, sergiler, azerbaýjan filmleriniň görkezilişleri we ylmy maslahatlar gurnaldy. Arkadag şäheriniň Taryhy we ülkäni öwreniş muzeýinde «Azerbaýjan — obýektiwden taryha tarap» atlyfotosergi gurnaldy we onuň açylyş dabarasy boldy. Sergide Kamran Asadowyň, Rasul Rahimowyň, Mahir Rustamowyň, Elman Huseýnowyň, Artur Abdullaýewiň, Amira Suleýmanyň, Araz Adil oglunyň, Hormat Omerowyň, Rufat Guliýewiň, Kamran Asadowyň, Wugar Ibadowyň, Rustam Nabizadehiň, Family Mahmudbeýliniň, Ilham Mustafaýewiň, Amid Mammedowyň, Aýdin Mehdiýewiň, Ali Khuduýewiň, Mikaýil Arkiwanliniň, Aminat Kokhaýewanyň, Ahmad Hatamzadeniň, Nadežda Jawadyň, Asif Mustafazadeniň, Fariz Waliýewiň, Elşat Aýdinoglunyň, Adil Ýusufowyň, Abdulla Safiniň, Famil Mahmedlunyň, Efibar Jafarowyň, Arif Alikberiňtürkmen-azerbaýjan dost-doganlyk we medeni gatnaşyklar hem-de Azerbaýjan Respublikasynyň taryhy ýerleri, gözel tebigaty, milli aýratynlyklary, häzirki zaman binagärlik keşbini görkezýän surat eserleri sergilendi. Türkmen we azerbaýjan suratkeşleriniň eserleriniň sergileriniň, halk hem nusgawy sazlaryň konsertleriniň guralmagy medeni gatnaşyklaryň ösdürilmegine oňyn täsirini ýetirýär. Häzirki döwürde türkmen halky bilen taryhy we ynsanperwer umumylygy birleşdirýän milletler we döwletler bilen gatnaşyklaryň ösdürilmegi hil taýdan täze mazmuna eýe bolýar. Türkmenistanyň Azerbaýjan Respublikasy bilen özara hyzmatdaşlygy döredijilikli we ynanyşmak häsiýetine eýe bolup, özara bähbitli we birek-birege hormat goýmak esasda yzygiderli ösdürilýär. Türkmenistan bilen Azerbaýjan Respublikasynyň arasyndaky diplomatik gatnaşyklar 1992-nji ýylyň 9-njy iýunynda ýola goýuldy. Gatnaşyklaryň geçen taryhy döwrüniň içinde ýurtlarymyzyň arasynda döwletara gatnaşyklaryň syýasy, söwda-ykdysady we medeni-ynsanperwer ugurlary boýunça hyzmatdaşlykda oňyn tejribe gazanyldy. Türkmen-azerbaýjan gatnaşyklarynyň has möhüm bölegini medeni-ynsanperwer ulgamdaky gatnaşyklar düzýär. Türkmenistanyň we Azerbaýjanyň halklary dünýä taryhyna güýçli täsirini ýetiren gadymy siwilizasiýalaryň medeni-taryhy miraslaryny saklap gelýärler. Türkmen we azerbaýjan halklary özleriniň milli özboluşlylygyny, dini ygtykatlaryny, dilini, gaýtalanmajak medeniýetini we öňki nesilleriň toplan ruhy gymmatlyklaryny saklap gelmek bilen, özleriniň şöhratly hem baý geçmişlerine buýsanmaga haklydyrlar. Iki doganlyk halkyň öz gözbaşyny asyrlaryň jümmüşinden alyp gaýdýan ýakynara baglanyşygy bu gün hem Türkmenistan bilen Azerbaýjanyň netijeli gatnaşyklarynyň ähmiýetli şerti hökmünde ýüze çykýar.

Arkadag şäherinde Azerbeýjan Respublikasynyň medeniýet günleri dabaraly ýagdaýda bellenip geçildi